Azərbaycan yığmasının və “Araz-Naxçıvan”ın futbolçusu Qara Qarayev “İctimai TV”də yayımlanan “Sabahın xeyir, Azərbaycan” verilişində maraqlı açıqlama ilə diqqət çəkib.

“past.az” xəbər verir ki, o, soyadının dəyişdirildiyini deyib.

Q.Qarayev bildirib ki, atası dahi bəstəkar Qara Qarayevə görə onun soyadını dəyişdirib: “Atam öz əmisinin adını mənə qoyub. Daha sonra isə musiqiçi olmağımı istədiyi üçün soyadımı da Qarayev olaraq dəyişdirib. Ailədə hamı Ağayevdir, amma mən Qarayev. Bir müddət musiqiyə getdim, lakin futbola olan həvəsim məni idmana gətirdi. Futbolu daha çox bəyənirdim. Sadəcə 1 il piano çalmışam”.