“Ayla” filminin real qəhrəmanı koreyalı Kim Eunja 80 yaşında dünyasını dəyişib.

“past.az” xəbər verir ki, bu haqda Türkiyənin Seuldakı səfirliyi məlumat yayıb.

Məlumata görə, Kim 2022-ci ildə COVID-19-a yoluxduqdan sonra pnevmoniya olub və müalicə alırdı.

Onun ötən gün vəfat etdiyi bildirilir.

Qeyd edək ki, “Ayla” filmi Koreya Müharibəsi zamanı xidmətdə olan Süleyman Dilbirliğinin valideynləri döyüş meydanında ölmüş balaca qızı tapması və ikisinin hekayəsindən bəhs edir. 2017-ci ildə ekranlara çıxan film 8 mükafat alıb.