Portuqaliya millisinin və “Əl-Nəsr”in 40 yaşlı hücumçusu Kriştianu Ronaldonun bədəni xüsusi cihaz vasitəsilə müayinə olunub.

“past.az” bu barədə “championat.com”a istinadən xəbər verir.

Ulduz futbolçunun bədəni vərdişləri, məşqi və fiziologiyası əsasında qiymətləndirilib. 

Cihaz Ronaldonun bioloji yaşının 28 il 9 ay olduğunu göstərib.

Qeyd edək ki, Ronaldo bu mövsüm bütün turnirlərdə 39 oyun keçirib, 33 qol vurub və 4 məhsuldar ötürmə verib.

Onun klubla hazırkı müqaviləsi 2025-ci ilin yayına qədərdir.