“Real Madrid”in sabiq baş məşqçisi Zinəddin Zidan “Barselona”nın gənc ulduzu Lamin Yamal barədə danışıb.

“past.az” bu barədə xarici mətbuata istinadən xəbər verir.

“İnter”lə yarımfinalın ikinci yarısını götürək - həyatımda belə şey görməmişəm. Bu, müstəsna bir şey idi - oyuna hakim olmaq və nəzarət etmək.

Belə inamlı və yetkin oyunu izləmək heyrətamiz idi. Hamımız əla vaxt keçirdik. Buna görə Lamin gənc nəsil üçün əsl ilham mənbəyinə çevrilib. Hər dövrün öz qəhrəmanları var və bu, əladır”, - deyə Zidan bildirib.

Qeyd edək ki, 17 yaşlı Yamal 2024/2025 mövsümündə “Barselona”nın heyətində 55 oyun keçirib, 18 qol vurub və 25 məhsuldar ötürmə edib.