Azərbaycan yığmasının hücumçusu Mahir Emreli II Bundesliqada 34-cü turun rəmzi komandasına düşüb.

“past.az” xəbər verir ki, “Nürnberq”in hücumçusu “Ayntraxt”la (Braunşveyq) oyundakı performansı ilə buna layiq görülüb.

Komandasının 4:1 hesabı ilə qalib gəldiyi matçda het-trikə imza atan 27 yaşlı forvard 3-4-3 sxemində qurulan “11-liy”in mərkəz hücumçusu kimi göstərilib.

Qeyd edək ki, bu, Mahir Emrelinin “Nürnberq”də sonuncu oyunu olub. O, cari mövsüm komandanın heyətində ümumilikdə 11 qol vurub.