UEFA Konfrans Liqasının 2-ci təsnifat mərhələsində “Zirə”nin Bakıda “Hayduk”la (Xorvatiya) keçiriləcək oyununun vaxtı dəyişdirilib.

“past.az” xəbər verir ki, bu barədə klubun mətbuat xidməti məlumat yayıb.

Görüş əvvəlcədən nəzərdə tutulduğu kimi, iyulun 24-də yox, 23-də keçiriləcək. Buna səbəb iyulun 24-də Bakıda “Araz-Naxçıvan”ın da Konfrans Liqası matçının olmasıdır. UEFA-nın qaydalarına əsasən, bir yarışda eyni şəhərdə iki oyun keçirilə bilməz. Buna görə də “Zirə”nin matçı bir gün əvvələ dəyişdirilib.

Oyun “Neftçi Arena”da keçiriləcək.

Qeyd edək ki, komandalar arasında cavab görüşü iyulun 31-də Xorvatiyada olacaq.